എന്നു വരും നീ?

എന്നു വരും നീ?
നീ എവിടെയാണ്?
നീ എന്നെ കാണുന്നുവോ?
എന്റെ കണ്ണീര്‍ അറിയുന്നുവോ?
എന്റെ വാക്ക് കേള്‍ക്കുന്നുവോ?
നീ എവിടെയാണ്?
ഇന്നും ഞാന്‍ കാത്തിരുന്നു,
നിനക്കായി പ്രാതല്‍ ഒരുക്കി,
നിനക്കായി ഒരുങ്ങി,
നിന്റെ വസ്ത്രങ്ങള്‍ ഒരുക്കി,
നിന്റെ പാട്ട് മൂളി,
നീ എവിടെയാണ്?
ഏതു കോണിലാണ്?
ഏതു താഴ്വരയിലാണ്?
ഏതു ഇരുട്ടിലാണ്?
രാത്രിയെ എനിക്ക് ഭയമാണ്,
ലോകത്തെ എനിക്ക് പേടിയാണ്,
ഇതിന്റ ഏതു കോണിലാണ് നീ?
എന്ന്‌ വരും നീ?

മോഹശകലം

പുഴയുടെ നിനവില്‍ ലയിച്ചിരുന്നെങ്കില്‍,
മഴയുടെ കുളിരില്‍ അലിഞ്ഞിരുന്നെങ്കില്‍,
ആഴിതന്‍ അറയില്‍ ശയിച്ചിരുന്നെങ്കില്‍,
നിന്‍ ചിരിയുടെ അമൃതായി പൊഴിഞ്ഞിരുന്നെങ്കില്‍...